Hjálmar Jónsson (andsvar):
Herra forseti. Ég tek undir góðar óskir til hv. þm. Gísla S. Einarssonar og vona að það komi fram í málflutningi hans það sem eftir er dagsins að hann á afmæli í dag.
Það er rétt hjá hv. þm. Össuri Skarphéðinssyni að vitleysan getur komist á það alvarlegt stig í vissum málum að allar leiðir hljóti að verða til bóta. Ég skal ekki tala um hversu mikil vitleysan var í heilbrigðiskerfinu en í öllu falli er stefnan nú í rétta átt.