[prenta uppsett í dálka] 42. fundur
Ágúst Einarsson:
Herra forseti. Þessi tillaga er borin fram af hv. þm. Rannveigu Guðmundsdóttur, Guðmundi Árna Stefánssyni og mér og gengur út á það að varið verði fé á fjárlögum á næsta ári, 23 millj. kr., til undirbúnings tvöföldun Reykjanesbrautarinnar. Við teljum brýnt að mörkuð verði við þessa fjárlagagerð skýr afstaða þingsins og stuðningur gagnvart þessari brýnu og skynsamlegu framkvæmd.
