[prenta uppsett í dálka] 42. fundur
Ásta R. Jóhannesdóttir:
Herra forseti. Eins og komið hefur fram þá eru hér markaðir tekjustofnar til vegamála sem lagt er til að haldist. Það hefur verið niðurskurður á vegáætlun ár hvert undanfarið. Nú er langtímaáætlun til umræðu í stjórnarflokkunum eftir því sem maður heyrir í fréttum. Hver ætli trúi slíkum áætlunum þegar svona er staðið að verki meðan góðæri ríkir hér í efnahagsmálum. Ástandið er víða slæmt eins og hefur komið fram, t.d. fjöldi einbreiðra brúa. Ástandið er mjög erfitt á þéttbýlissvæðunum samanber Reykjanesbrautina, Sundabrautina, Gullinbrú og fleira. Ég styð heils hugar að vegamálin fái sína mörkuðu tekjustofna. Ég segi já.
