[prenta uppsett í dálka] 43. fundur
Frsm. umhvn. (Árni M. Mathiesen) (andsvar):
Herra forseti. Ég er ánægður að heyra það að hv. þm. Hjörleifur Guttormsson telur að málið hafi skýrst nægjanlega mikið. En ég vil minna á að samkvæmt brtt. þarf hæstv. umhvrh. að útfæra þetta nánar í reglugerð. Eins og kom fram hjá hv. þm. Hjörleifi Guttormssyni fyrr í dag er málið auðvitað ekki eins ljóst og það var þegar lögin voru sett í vor þar sem talað var um allar framkvæmdir og meiri háttar framkvæmdir á væntanlega að túlka af hæstv. ráðherra í reglugerð.
