[prenta uppsett í dálka] 43. fundur
Hjálmar Árnason (andsvar):
Herra forseti. Ég leyfi mér að ítreka þá skoðun sem ég lýsti áðan og ég leyfi mér líka, með leyfi forseta, að lesa úr nál. frá meiri hluta menntmn.:
,,Meiri hlutinn ítrekar að hér er um rammalöggjöf að ræða og er það skilningur hans að með gjaldtöku af nemendum í ríkisháskólum sé átt við gjaldtöku vegna þeirrar þjónustu sem nemendum er veitt, sbr. skrásetningargjald í 4. gr. frumvarps til laga um Kennara- og uppeldisháskóla Íslands.``
Þetta er sá skilningur sem meiri hluti menntmn. leggur í frv. Þetta er eiginlega sá yfirlýsti skilningur sem við leggjum í það og það er ekki hægt að skilja það öðruvísi. Það er ekki umræðan um skólagjöld, það er ekki verið að opna fyrir skólagjöld. Kunni sú umræða að fara fram á Alþingi þá verður það síðar en ekki í tengslum við þetta frv.
