[prenta uppsett í dálka] 46. fundur
Frsm. menntmn. (Sigríður A. Þórðardóttir):
Herra forseti. Komið er að lokum umræðu um þetta mikilvæga mál sem hér er á dagskrá. Ég ætla að nota tækifærið til að þakka nefndarmönnum í menntmn. fyrir mjög góða samvinnu við umfjöllun um málið í þingnefndinni. Það er líka alveg ljóst að hér er á ferðinni mjög merkilegt mál sem ég veit að á eftir að styrkja kennaramenntun í landinu í framtíðinni og ég get tekið undir það að full ástæða er til þess að standa myndarlega að þeirri breytingu.
