Svavar Gestsson:
Herra forseti. Því miður treysti ég mér ekki til að styðja frv. til laga um háskóla og er það aðallega af tveimur ástæðum. Í því er gert ráð fyrir stóraukinni valdstjórn ráðuneytisins yfir háskólanum sem kemur fram bæði í 13. gr. frv. þar sem gert er ráð fyrir því að hæstv. menntmrh. geti tilnefnt svokallaða atvinnulífsfulltrúa án takmarkana og í öðru lagi í 14. gr. þar sem gert er ráð fyrir því að hæstv. menntmrh. þurfi að skrifa upp á rektor háskólans. Í þriðja lagi gerir frv. eins og það er ráð fyrir því að opnað verði fyrir skólagjöld í íslenskum háskólum. Þessu mótmælum við og getum að sjálfsögðu ekki stutt frv. sem lítur svo út.