Jóhanna Sigurðardóttir (um atkvæðagreiðslu):
Herra forseti. Á þskj. 520 hef ég flutt brtt. við þetta frv. ásamt hv. þm. Össuri Skarphéðinssyni. Brtt. felur í sér að faðir eigi rétt á fæðingarorlofi í einn mánuð ef um er að ræða fjölburafæðingu, alvarlegan sjúkleika barns eða alvarleg veikindi móður. Þessi brtt. er efnislega tekin upp í þá brtt. sem við nú greiðum atkvæði um. Þess vegna er till. á þskj. 520 bæði við 1. gr. og 4. gr. sem líka er efnislega samhljóða dregin til baka.