[prenta uppsett í dálka] 48. fundur
Heilbrigðisráðherra (Ingibjörg Pálmadóttir) (um fundarstjórn):
Virðulegi forseti. Vegna þeirrar umræðu sem hefur farið fram vil ég láta þess getið að fyrir liggur frv. á borðum þingmanna um breytingar á almannatryggingalöggjöfinni sem er stjfrv. Víðtækar breytingar eru í því frv. eða gert er ráð fyrir víðtækum breytingum og réttarbótum á ýmsum sviðum. Meðal annars er í frv. það ákvæði sem hér kemur til umfjöllunar. Það frv. sem ég lagði fram kom síðar fram en þetta þingmannafrv. sem hér er til afgreiðslu, og mönnum liggur á að klára þetta eina atriði sem er í því víðtæka frv. sem ég legg fram. Það er ekki komið til umræðu í heilbr.- og trn. því ekki hefur verið mælt fyrir því enn og það varð samkomulag milli stjórnar og stjórnarandstöðu að það mál biði þar til í upphafi þings eftir jól. En þá vona ég að það gangi hratt fyrir þingið því þar eru margar úrbætur sem eru mjög mikilvægar.
