[prenta uppsett í dálka] 49. fundur
Steingrímur J. Sigfússon:
Herra forseti. Þetta frv. er hluti af hrakfallasögu sem lengist ár frá ári í tíð hæstv. ríkisstjórnar við að reyna að koma einhverjum skikk á stjórn sóknar smábáta. Í þessu frv. eru að vísu bæði ákvæði sem horfa til bóta en önnur sem vísa í gagnstæða átt. Sú rýmkun á sóknardögum róðrardaga báta sem er lögð til í frv. fyrir yfirstandandi fiskveiðiár linar að sönnu nokkuð þjáningar þeirra. Á hinn bóginn er í frv. ákvæði sem varða sérstaklega framsal og leigu á þorskaflahámarki sem innleiða viðskipti eða brask með veiðiheimildir einnig í þessum hluta flotans. Það gagnrýnum við í stjórnarandstöðunni sérstaklega. Með vísan til þessa sitjum við hjá við afgreiðslu málsins.
