[prenta uppsett í dálka] 49. fundur
Lúðvík Bergvinsson:
Virðulegi forseti. Á þeim hagvaxtartímum sem við erum að upplifa eru þeir sem minnst mega sín í samfélaginu helsti skattstofn sem hæstv. ríkisstjórn getur fundið.
Virðulegi forseti. Ekki eru nema tvö ár eða svo síðan annar ríkisstjórnarflokkurinn þeysti um héruð og lofaði því að vera með fólk í fyrirrúmi og ég hlýt að spyrja í þessu samhengi: Er Framsfl. ekki með óbragð í munninum vegna þessarar hækkunar? Ég vil aðeins segja, virðulegi forseti, að ég greiði atkvæði gegn svona fyrirbæri.
