Rannveig Guðmundsdóttir:
Virðulegi forseti. Frá því að ríkisstjórnin komst til valda hefur Framkvæmdasjóður fatlaðra verið stórskertur. Erfðafjárskattur á að renna óskiptur til sjóðsins en hann mun hafa numið um 480 millj. kr. á síðasta ári. Á næsta ári fær Framkvæmdasjóður fatlaðra eingöngu 185 millj. kr. af áætluðum erfðafjárskatti þrátt fyrir að brýn þörf sé á áframhaldandi uppbyggingu í málaflokknum. Þessi ríkisstjórn stofnar til biðlista á öllum sviðum. Í búsetumálum fatlaðra er víða alvarlegur vandi. Ég vísa allri ábyrgð á niðurskurðinum á hendur ríkisstjórn og stjórnarflokkum og greiði atkvæði gegn ákvæðinu.