[prenta uppsett í dálka] 50. fundur
Pétur H. Blöndal:
Herra forseti. Hér er lagt til að í lífeyrissjóðunum verði beint lýðræði, þ.e. sjóðfélagar fái að kjósa stjórnina beinni kosningu. Eins og atkvæðataflan sýnir er greinilegt að hv. þingmenn hafa ekki trú á lýðræðinu og hafa ekki trú á því að sjóðfélagar geti kosið sér stjórn sína sjálfir. Ég býst við því að hv. þingmenn muni heilsa kjósendum sínum í kjördæminu, sem eru allir í lífeyrissjóðum, og segja þeim að þeir ágætu kjósendur hafi ekki vit né þroska til þess að kjósa sér stjórn í lífeyrissjóðunum. Ég greiði tillögunni atkvæði mitt.
