[prenta uppsett í dálka] 51. fundur
Guðrún Helgadóttir:
Hæstv. forseti. Hér er ekki verið að leggja til að hafa nein áhrif á fjárlögin heldur einungis óskað eftir því að hið aldna félag, Hið íslenska þjóðvinafélag, megi áfram eins og það hefur verið vera sérliður undir Alþingi en ekki hverfa inn í lið sem heitir: Sérverkefni. Ég get nú ekki ímyndað mér að nokkur hv. þm. hafi á móti því að þetta gamla félag sem sjálfur Jón Sigurðsson stofnaði megi ekki áfram standa sem sérstakur liður á fjárlögum. Breytingin hefur engin áhrif á framlögin.
