Kristinn H. Gunnarsson:
Herra forseti. Frv. eins og það lítur út nú felur í sér að útgjöld til rekstrar eru hærri en tekjur. Hallinn er brúaður með sölu eigna. Þegar hæst ber á holskeflutekjuauka vegna efnahagslegs góðæris er enginn afgangur hjá skuldugum ríkissjóði. Skuldasöfnun er ávísun á skattahækkun síðar. Skuldasöfnun í góðæri er úrræði ríkisstjórnar sem skortir kjark til þess að afla tekna fyrir útgjöldum.
Mál er að linni því ráðslagi að útgjöldum samtímans sé velt yfir á skattgreiðendur framtíðarinnar.
Herra forseti. Ég gef stjórnarflokkunum falleinkunn fyrir frv. Það get ég ekki stutt og greiði því ekki atkvæði.