Ferill 158. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 158 – 158. mál.
Fyrirspurn
til heilbrigðisráðherra um breytingar á réttindum lífeyrisþega í sjúkratryggingum.
Frá Ástu R. Jóhannesdóttur.
1. Hvernig hafa eftirtalin þjónustugjöld lífeyrisþega í heilbrigðiskerfinu breyst á undanförnum fimm árum:
a. greiðslur fyrir komu á heilsugæslustöð eða til heimilislæknis, á dagvinnutíma og utan hans,
b. greiðslur fyrir læknisvitjun til sjúklings, á dagvinnutíma og utan hans,
c. greiðslur fyrir komu til sérfræðings,
d. greiðslur fyrir röntgengreiningu og rannsóknir?
2. Hvernig og hvenær hafa reglur um árlegar hámarksgreiðslur fyrir heilsugæslu- og læknisþjónustu og réttindi til slíkra greiðslna breyst á síðustu fimm árum?
3. Hvenær, hversu oft og hvernig hafa reglur um endurgreiðslu vegna mikils læknis- og lyfjakostnaðar breyst undanfarin fimm ár?
4. Hversu oft og hvernig hafa reglur um þátttöku sjúkratrygginga og hlutdeild sjúklinga í lyfjakostnaði breyst sl. fimm ár?
Skriflegt svar óskast.
