Ferill 98. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 394 – 98. mál.
Breytingartillögur
við frv. til l. um breyt. á l. nr. 50/1988, um virðisaukaskatt, með síðari breytingum.
Frá efnahags- og viðskiptanefnd.
1. Við 1. gr.
a. Í stað orðanna „starfsemi telst ávallt nýtt hér á landi“ í 2. málsl. fyrri efnisliðar komi: starfsemi, sem fram fer hér á landi og er undanþegin skattskyldu skv. 3. mgr. 2. gr. laganna, telst ávallt nýtt hér.
b. 4. málsl. fyrri efnisliðar falli brott.
c. Í stað orðsins „mynsturs“ í a-lið fyrri efnisliðar komi: hönnunar.
d. Við fyrri efnislið bætist nýr stafliður, i-liður, svohljóðandi: fjarskiptaþjónusta.
e. Í stað orðanna „erlendra ferðamanna“ í síðari efnislið komi: aðila búsettra erlendis.
2. Við 4. gr. Greinin orðist svo:
Lög þessi öðlast þegar gildi. Þó skulu ákvæði fyrri efnisliðar 1. gr. um sölu á þjónustu til erlendra aðila gilda frá og með 1. júlí 1997.
