[prenta uppsett í dálka] 55. fundur, 123. lþ.
Sjávarútvegsráðherra (Þorsteinn Pálsson) (andsvar):
Herra forseti. Ég ætla bara að minna hv. þm. á að flokkur hans hefur ekki flutt neinar tillögur í umræðunni og af hálfu stjórnarandstöðunnar hefur engin önnur tillaga verið flutt en að fresta afgreiðslu málsins eða fresta því að taka afstöðu til málsins í fjögur ár og talsmenn flokks hans hafa margsinnis lýst því yfir að þeir hafi ekki mikið annað fram að færa en að fresta því að taka þessa afstöðu í þennan tíma.
