Fyrirspyrjandi (Svanfríður Jónasdóttir):
Herra forseti. Þetta ferli við styttingu framhaldsskólans kemur nokkuð á óvart. Þegar stytta á framhaldsskólann um eitt ár hljóta menn einnig að gæta að því hvernig náminu verði háttað, ekki síst í elstu bekkjum grunnskólans. Því hefði verið tilvalið við gerð nýrrar námskrár að miða hana við það að skólarnir samræmdu störf sín, annars vegar grunnskólinn á síðustu stigum og hins vegar fyrstu ár framhaldsskólans. Ég átta mig ekki á því hvernig þetta á að gerast. Fróðlegt væri að heyra ráðherra ræða frekar um hvað eigi að gerast þegar fram líða stundir, hvað þetta varðar. Hafa menn sett sér markmið í þessu og þá bæði fyrir grunnskólann og framhaldsskólann? Hvernig sér hann fyrir sér að það verði þegar einhverjir skólar bjóða upp á þriggja ára nám en aðrir bara fjögur? Hvernig á námskráin að nýtast þeim báðum? Hver á þáttur grunnskólans að vera í því ferli?