[prenta uppsett í dálka] 60. fundur, 123. lþ.
Árni R. Árnason:
Herra forseti. Því er ekki að leyna að ég er algerlega ósammála innihaldi þessarar tillögu. Ég hef ávallt talið eðlilegt að þingmál fái umfjöllun og athugun í þingnefndum. Ég er hins vegar sannfærður um að eftir þá athugun sem fara mun fram í hv. utanrmn. Alþingis muni koma í ljós að örfáir þingmenn fylgi tillögunni efnislega. Ég er sannfærður um að í ljós muni koma að sú litla umræða sem er um þetta mál með þjóðinni í dag felur það í sér að í landinu ríkir sátt um aðild Íslands að Atlantshafsbandalaginu og þátttöku í varnarsamstarfinu.
