[prenta uppsett í dálka] 64. fundur, 123. lþ.
Forsætisráðherra (Davíð Oddsson):
Herra forseti. Ég vil aðeins ítreka að eingöngu er verið að veita ráðherra það vald sem almennt var talið að hann hefði haft í áratugi og almennt er talið við svipuð skilyrði, svipuð réttarkerfi að ráðherra hafi, ekkert annað. Það er bara verið að leysa þann vanda sem kom upp eftir að Hæstiréttur byggði á þessu ákvæði sem hefur ekki verið athugað að gekk út á það að hægt væri að flytja ráðherra Íslands heim frá Kaupmannahöfn.
