[prenta uppsett í dálka] 65. fundur, 123. lþ.
Sighvatur Björgvinsson:
Herra forseti. Formaður sjútvn. Alþingis er ekki bara einhver þingmaður. Hann er málsvari stjórnarflokkanna á Alþingi í sjávarútvegsmálum. Og nú hefur hæstv. sjútvrh. upplýst að hann er að fara með fals. Hann er að gefa sjómönnum og útgerðarmönnum kvótalítilla skipa falskar vonir og væntingar um fyrirgreiðslu og aðstoð hér á Alþingi, sem ekkert stendur á bak við. Það finnst mér mjög ámælisverð tíðindi frá forustumanni stjórnarflokkanna í sjávarútvegsmálum á Alþingi nú rétt fyrir þinglok.
