Guðni Ágústsson:
Hæstv. forseti. Ég vil ítreka þá skoðun mína að samræmi er í því að nefna Ísafjörð, Sauðárkrók, Akureyri og Egilsstaði sem mikilvæga þjónustukjarna á landsbyggð og nefna þá til viðbótar Árborgarsvæði, Borgarnes/Akranes og Suðurnesin, Keflavík/Njarðvík. Ég held því að það hljóti nú að vera, þó að hæstv. menntmrh. negli sig furðufastan í það að þetta séu bara fimm staðir, að menn opni þessar dyr til samræmis og sátta við sterk byggðarsvæði sem eru að þróast og keppa um mannafla.