Ásta R. Jóhannesdóttir:
Herra forseti. Ég styð frv. í grundvallaratriðum en ég vil að það komi fram að ég er andvíg því ákvæði í drögum að kosningalögum sem fylgja þessu stjórnarskipunarlagafrv. þar sem gert er ráð fyrir að Reykjavík verði skipt upp í tvö kjördæmi. Það er stefna okkar jafnaðarmanna að landið skuli vera eitt kjördæmi og þetta ákvæði stríðir gegn þeirri stefnu. Ég vil að það komi fram við þessa atkvæðagreiðslu.