[prenta uppsett í dálka] 68. fundur, 123. lþ.
Guðný Guðbjörnsdóttir:
Herra forseti. Vegna orða hæstv. ráðherra um nýsamþykkt dómstólalög vil ég taka fram sem þáverandi nefndarmaður í allshn. að mjög mikið var rætt um skipun hæstaréttardómara í nefndinni í tengslum við setningu laganna og einnig hér í umræðum. Þetta var eitt af þeim stóru málum sem voru mjög mikið rædd, bæði í þinginu og í nefndinni. Ég t.d. bað um skriflegar upplýsingar um hvernig þessum málum væri háttað í nágrannalöndunum en því miður náðist ekki eining um það í nefndinni að breyta þessu ákvæði þannig að það fór því í gegn eins og það er núna í lögunum.
