Iðnaðarráðherra (Finnur Ingólfsson) (andsvar):
Herra forseti. Ég heyri það að við og hv. þm. höfum sama skilning á þessum loftslagsbreytingasamningi Sameinuðu þjóðanna. Þar er um sameiginlega ábyrgð þjóða heims að ræða. Ég er hins vegar algerlega sammála hv. þm. að framkvæmd samningsins er á ábyrgð hvers þjóðríkis fyrir sig en eftir stendur auðvitað að þar ætla menn að hjálpast að og út á það gengur samningurinn m.a., hvort sem menn ná svo þeirri niðurstöðu eða ekki.
Tíminn til 15. mars er alveg nógu langur til ákvarðanatöku í þeim efnum hvort skrifað verður undir eða ekki.