[prenta uppsett í dálka] 82. fundur, 123. lþ.
Frsm. meiri hluta sjútvn. (Kristinn H. Gunnarsson) (andsvar):
Herra forseti. Mér finnst að hv. þm. Lúðvík Bergvinsson þurfi ekki að vera svona sporlatur. Mig langar að spyrja hann um afstöðu hans í málinu. Hann hóf ræðu sína á því að lýsa yfir að hann styddi hvalveiðar. Nál. hans lýkur á eftirtöldum orðum, með leyfi forseta:
,,... telur minni hlutinn það ábyrgðarhlut að afgreiða málið á þennan hátt.``
Gott og vel, herra forseti. Á hvaða hátt leggur minni hlutinn til að málið verði afgreitt? Hvar er tillaga minni hlutans? Hvort mun hann styðja hvalveiðar eða vera á móti hvalveiðum? Um það verða greidd atkvæði þegar tillaga meiri hlutans kemur til atkvæða því þar er kveðið skýrt og skorinort á um að það eigi að hefja hvalveiðar. Það er stefna sem er mörkuð sem ríkisstjórninni er falið að hrinda í framkvæmd. Munu þingmenn Samfylkingarinnar vera með eða á móti? Þeim hefur tekist að skrifa nefndarálit án þess að segja hvaða skoðun þeir hafa á málinu.
