[prenta uppsett í dálka] 83. fundur, 123. lþ.
Frsm. landbn. (Guðni Ágústsson):
Hæstv. forseti. Ég mæli fyrir áliti landbn. um till. til þál. um markaðs- og söluátak á íslensku dilkakjöti erlendis.
Nefndin hefur fjallað um málið og farið yfir umsagnir sem borist hafa um það á þessu þingi og því síðasta frá landbúnaðarráðuneyti, Landssamtökum sláturleyfishafa, Framleiðsluráði landbúnaðarins, markaðsráði kindakjöts, Bændasamtökum Íslands og Íslenskum sjávarafurðum hf.
Nefndin leggur til að tillagan verði samþykkt með svofelldri breytingu:
Tillögugreinin orðist svo:
Alþingi ályktar að fela landbúnaðarráðherra að leita samstarfs við samtök og fyrirtæki í atvinnulífinu um gerð markaðsáætlunar um sölu á íslensku dilkakjöti erlendis.
Egill Jónsson og Lúðvík Bergvinsson voru fjarverandi við afgreiðslu málsins.
Aðrir nefndarmenn í landbn. skrifa undir þetta nál.
