[prenta uppsett í dálka] 85. fundur, 123. lþ.
Ögmundur Jónasson:
Hæstv. forseti. Öryrkjabandalagið og Landssamband eldri borgara hafa óskað eftir að fá formlega aðkomu að Tryggingastofnun. Nú er verið að breyta stjórnsýslu Tryggingastofnunar í ýmsum grundvallaratriðum. Sett er á laggirnar sérstök úrskurðarnefnd. En við þessar breytingar eykst þörfin á lýðræðislegu aðhaldi. Við teljum rétt að verða við þessum óskum Öryrkjabandalagsins og Landssambands eldri borgara og teljum að þetta verði stofnuninni til góðs og öllum þeim sem við hana skipta.
