[prenta uppsett í dálka] 90. fundur, 123. lþ.
Forsætisráðherra (Davíð Oddsson):
Forseti Íslands hefur gefið út svofellt bréf:
,,Forseti Íslands gjörir kunnugt.
Ég hefi ákveðið, samkvæmt tillögu forsætisráðherra, að Alþingi skuli koma saman til framhaldsfunda, fimmtudaginn 25. mars 1999 kl. 10.30.
Gjört á Bessastöðum, 19. mars 1999.
Ólafur Ragnar Grímsson.
-------------------
Davíð Oddsson.
Forsetabréf um að Alþingi skuli koma saman til framhaldsfunda.``
Framhaldsfundir Alþingis hefjast því nú á ný. Ég býð hæstv. forseta, hv. alþingismenn, svo og starfsmenn Alþingis velkomna til þingstarfa og læt í ljós þá ósk og von að störf okkar megi verða landi og lýð til blessunar.
