[prenta uppsett í dálka] 3. fundur, 123. lþ.
Árni Johnsen (andsvar):
Virðulegi forseti. Auðvitað verður að reikna með misjöfnu siðferði á vorri jörð. Það verður líka að taka tillit til þess að þeir sem hafa reynslu af því að flakka á milli flokka hafa svolítið svigrúm í vinnureglum. (RG: Viðkomandi á ekki kost á að svara ræðumanninum.) Viðkomandi á kost á því að fara í nýjan flokk og ekki er nú öll nótt úti enn.
Ætli það þætti ekki svolítið kynlegt í sambandi við eðlilegt boð fjárln. til sveitarstjórna ef t.d. sveitarstjórnin í Þórshöfn á Langanesi mundi svara þessu hefðbundna boði og segja: ,,Ef þið viljið tala við mig, þá kem ég.`` Það eru bara ekki vinnureglurnar og það er óeðlilegt. Það er tímasóun að vinna á þeim nótum. Það þýðir ekkert fyrir hv. þingmenn sem hafa fjallað um þetta að reyna að réttlæta þetta bréf borgarstjórans í Reykjavík. Það eru leið mistök og ber að harma.
