Dómsmálaráðherra (Þorsteinn Pálsson):
Herra forseti. Það er rétt hjá hv. fyrirspyrjanda að það liggur ekki fyrir sundurgreining á málskostnaði í þessum tilvikum. Hann er auðvitað margs konar, þóknun til lögmanna, öflun sérfræðiálita og þar með fram eftir götunum. En það liggur sem sagt ekki fyrir sérstök sundurgreining á því hver kostnaðurinn er í einstökum tilvikum og það getur auðvitað verið mismunandi frá einu máli til annars og eftir eðli mála hvernig kostnaðurinn sundurgreinist á einstök viðfangsefni.