Forsætisráðherra (Davíð Oddsson):
Herra forseti. Ég hef ekki séð þessar tillögur sem hafa verið kynntar í fjölmiðlum. Þær hafa ekki verið ræddar í ríkisstjórn. Ég get eingöngu sagt að eins og ég skildi þær tillögur var þar um að ræða skipurit sem ráðgjafarstofa hafði unnið fyrir ráðuneyti dómsmála. Það liggur alveg í augum uppi að ef það er svo að skipurit stangist á við lög þá gilda lög en ekki skipurit.