Guðmundur Hallvarðsson:
Herra forseti. Ég þakka þetta stutta svar. Ég vona að jafnstutt sé í framkvæmdir við Reykjavíkurflugvöll og svar samgrh. var. Ég skil það svo að það liggi nokkuð ljóst fyrir með fjármögnun, hvernig verði farið með þau mál.
Ég lít þá líka svo á að snemma á næsta ári verði hafist handa við Reykjavíkurflugvöll. Ég vona að skilningur minn sé réttur. Ef svo er ekki vænti ég þess að hæstv. samgrh. leiðrétti mig.