[prenta uppsett í dálka] 26. fundur, 123. lþ.
Pétur H. Blöndal:
Herra forseti. Ég vil þakka hv. fyrirspyrjanda og hæstv. ráðherra fyrir að hreyfa þessu máli og fyrir góð svör.
Fjarnám er ákaflega mikilvægt og kann að koma í veg fyrir eina ástæðu flutnings fólks af landsbyggðinni. Nú þurfa menn ekki lengur að senda börn sín til náms í Reykjavík. Fjarnámið og netið mun breyta öllu námi og líka skólunum og skipulagi skóla. Það mun jafnvel breyta kröfum til skólabygginga. Sérstaklega held ég að leggja þurfi áherslu á að hanna námsgögn sem henta netinu. Ég skora á hæstv. menntmrh. að gera sérstakt átak í skipulagi fjarnáms og alveg sérstaklega til að gera átak í að útvega nýtt námsefni.
