Frsm. allshn. (Sólveig Pétursdóttir):
Virðulegi forseti. Ég mæli fyrir nál. allshn. á þskj. 324 um frv. til laga um breytingu á lögum um mannanöfn og hjúskaparlög. Nefndin hefur fjallað um málið og aflað um það umsagna. Í frv. er lagt til að gerðar verði breytingar á lögum um mannanöfn og á hjúskaparlögum. Er breytingunum ætlað að færa efni þessara laga til samræmis við hækkun sjálfræðisaldurs úr 16 árum í 18 ár sem samþykkt voru á 121. löggjafarþingi þegar ný lögræðislög voru samþykkt.
Frv. er í samræmi við tillögur lagaskoðunarnefndar dómsmrh. sem skipuð var vegna hækkunar sjálfræðisaldurs en nefndin skilaði tillögum sínum í nóvember 1997. Allshn. mælir með því að frv. verði samþykkt óbreytt.
Undir nefndarálitið skrifa Sólveig Pétursdóttir, Valgerður Sverrisdóttir, Jóhanna Sigurðardóttir, Hjálmar Jónsson, Jón Kristjánsson, Árni R. Árnason og Kristín Halldórsdóttir.