Sighvatur Björgvinsson:
Virðulegi forseti. Hæstv. sjútvrh. sem talaði hér áðan er jafnframt ráðherra dómsmála. Hæstv. forsrh. hefur gert alvarlegar athugasemdir við dómsuppkvaðningu Hæstaréttar. Hann hefur í fyrsta lagi haldið því fram að Hæstiréttur rugli saman hugtökum í dómi sínum. Hann hefur í öðru lagi látið í það skína að ámælisvert sé að úrskurður Hæstaréttar skuli felldur af fimm dómendum en ekki sjö.
Það er ástæða til þess að spyrja yfirmann dómsmála í landinu, hæstv. dómsmrh.: Er hann sammála hæstv. forsrh. hvað þessi atriði varðar? (Sjútvrh.: Er þetta umræða um störf þingsins?)