[prenta uppsett í dálka] 35. fundur, 123. lþ.
Hjálmar Jónsson (andsvar):
Herra forseti. Enn er hv. þm. Ögmundur Jónasson dálítið dapur. En mér fannst gott að hann skyldi koma hér og eiga við mig orðastað.
Ég vitnaði raunar óbeint í álit vísindasiðanefndar sem --- ef ég man rétt --- talar um að rekstrarleyfishafinn verði ekki firrtur ábyrgðinni. Ég talaði ekki um að hann ætti að rekja sig baka til einstaklingsins, það er væntanlega nokkuð sem hann á ekki að geta. Ef það væri hins vegar tiltekinn hópur sem væri í hættu eða þyrfti sérstaka meðferð eða meðhöndlun læknisfræðilega, þá væri hægt að sjá það og bregðast við.
