Lúðvík Bergvinsson:
Virðulegi forseti. Ég ætla svo sem ekkert að blanda mér sérstaklega inn í þessa umræðu um formennsku. Ég held að það sé rétt að það verði tekið upp á þingflokksfundum. En ég vildi bara koma upp og upplýsa um það að við óskuðum eftir því í utandagskrárumræðum á föstudaginn að þetta mál, þ.e. kvótadómurinn, yrði sett á dagskrá í sjútvn. Við ræddum það við núv. formann sjútvn.
Síðan hefur verið haldinn einn fundur og málið var ekki sett á dagskrá. Það er rétt hjá formanni sjútvn. að málið sem var á dagskrá tók allan þann tíma en það breytir ekki hinu að málið hefur aldrei verið sett formlega á dagskrá á fundi sjútvn. Ég held að mikilvægt sé að þetta liggi fyrir í umræðunni.