Ágúst Einarsson (andsvar):
Herra forseti. Þetta var ekki svar við spurningum mínum sem hér voru bornar fram af góðum hug, að vita hvort hægt væri að ná skynsamlegri lendingu í þessu máli. Ráðherrann sagði í reynd: Ja, við lögfestum bara þetta eins og við viljum. Síðan kemur í ljós hvort fólk er ósátt eða ekki. Ef það verður ósátt þá verður það að lifa með því.
Ráðherrann hefur ekki forræði á þessu máli heldur þingnefndin. Ég verð að treysta því að þingnefndin vinni málin faglegar en ráðherrann hefur gert hingað til og af meiri yfirvegun en fram kom í svari hæstv. ráðherra.