Margrét Frímannsdóttir (andsvar):
Virðulegi forseti. Ef það álit liggur fyrir frá Brussel eða frá embættismönnum sem fjalla um þennan sérstaka þátt, var því þá dreift í hv. heilbr.- og trn.? Þaðan hafa komið fram kröfur um að þetta yrði sérstaklega skoðað og eftir því sem hefur komið fram í umræðunni þá var því hafnað. Eru þá einhver gögn um þetta í ráðuneytinu sem ekki liggja fyrir hjá heilbr.- og trn.?