[prenta uppsett í dálka] 37. fundur, 123. lþ.
Ögmundur Jónasson:
Hæstv. forseti. Þetta frv. er blaut tuska í andlitið á sjúklingum. Það stríðir gegn yfirlýsingum sem komið hafa frá allflestum samtökum sjúklinga á Íslandi. Þetta frv. er blaut tuska í andlitið á vísindamönnum, bæði hér á landi og erlendis. Þetta frv. er blaut tuska í andlitið á læknum. Ef þetta frv. verður að lögum mun það ekki auðvelda rannsóknir, það mun torvelda rannsóknir. Hér er verið að koma á þröngri einokunarverslun í lok 20. aldarinnar og það er sorglegt að Framsfl. og Sjálfstfl., sem stundum kennir sig meira að segja við frjálsa samkeppni og frjálsa verslun, skuli hafa forgöngu um þetta mál.
