[prenta uppsett í dálka] 37. fundur, 123. lþ.
Guðný Guðbjörnsdóttir:
Herra forseti. Markmiðsgrein frv. hljómar í raun fallega og væri ásættanleg ef tryggt væri að heilsufarsupplýsingar væru ópersónugreinanlegar og ef ekki væri ætlunin að veita einum aðila einkaleyfi á starfrækslu grunnsins til tólf ára. Frv. stríðir auk þess gegn viðurkenndum siðareglum vísindasamfélagsins. Samhengi þessarar markmiðsgreinar er því óásættanlegt og því greiði ég ekki atkvæði.
