Guðný Guðbjörnsdóttir:
Herra forseti. Hér er lagt til að fjármagn til framkvæmdaáætlunar um jafnréttismál verði margfaldað eða hækkað úr 3,4 millj. í 14 millj. Það er til lítils að setja fram metnaðarfulla jafnréttisáætlun án þess að henni fylgi nægilegt fjármagn. Slíkt er sýndarmennskan ein. Engin leið er að samþætta jafnréttismál inn í alla málaflokka með tilheyrandi fræðslu, uppstokkun, breytingum og rannsóknum nema ætla til þess nægilegt fjármagn. Því er þessi tillaga flutt. Ég segi að sjálfsögðu já.