[prenta uppsett í dálka] 41. fundur, 123. lþ.
Sigríður A. Þórðardóttir:
Herra forseti. Mér finnst nokkurrar óbilgirni hafa gætt í þessari umræðu stjórnarandstöðunnar um störf forseta. Að sjálfsögðu geta menn alltaf rætt saman. Ég verð að segja að mér finnst ótrúlegt að endilega þurfi að gera hlé á þingfundi þó þingflokksformenn flokkanna ræði saman. Ég get ekki séð sérstaka nauðsyn á því. Það er aðeins eitt mál á dagskrá. Hér hefur verið rætt um málsmeðferð þess alveg frá því klukkan hálftvö og nú er farið fram á að gera hlé á þingfundi til þess að formenn þingflokka geti rætt saman. Ég sé enga ástæðu til þess en ef forseti þingsins telur eðlilegt að gera slíkt hlé, þá er það í hans valdi.
