Gísli S. Einarsson:
Herra forseti. Ég tel gott að þessu máli er hreyft. Það liggur á að afgreiða leyfi til raforkuframleiðslu á 30 megavöttum til Hitaveitu Suðurnesja.
Ég vil segja það almennt að nýta á hagkvæmustu kosti til raforkuframleiðslu á landinu, einnig þá kosti sem minnstri röskun valda á umhverfi. Ég þakka hv. þm. Rannveigu Guðmundsdóttur fyrir að vekja athygli á þessu máli og ég hvet hæstv. iðnrh. til að sjá til þess að afgreiða þetta leyfi hið fyrsta vegna þess að það er alvarlegur raforkuskortur í landinu, og sem fulltrúi jafnaðarmanna í iðnn. ítreka ég það, hæstv. iðnrh., að ég hvet til þess að þetta mál verði afgreitt hið fyrsta.