[prenta uppsett í dálka] 46. fundur, 123. lþ.
Ásta R. Jóhannesdóttir:
Herra forseti. Ég geri mér fulla grein fyrir því að ekki verður hægt að taka þetta mál á dagskrá nú þegar. En ég fer fram á að þingmál mitt sem er í miðri umræðu frá 12. október sl., um breytingu á sömu lagagrein og er í frv. hæstv. ráðherra, verði afgreitt frá þinginu til nefndar um leið og frv. hæstv. ráðherra. Ég treysti því, herra forseti, að forseti muni sjá til þess að málið komi á dagskrá þingsins þannig að hægt verði að afgreiða það til nefndarinnar um leið og frv. hæstv. ráðherra. Ég treysti því, herra forseti.
