[prenta uppsett í dálka] 46. fundur, 123. lþ.
Frsm. meiri hluta fjárln. (Jón Kristjánsson) (um fundarstjórn):
Herra forseti. Ég vil láta það koma fram að haft var samráð við mig um tilhögun umræðu í dag. Ég get einnig látið það koma fram að mér finnst ekki góður kostur að slíta umræðuna svona í sundur. Ég get tekið undir það hjá hv. síðasta ræðumanni. Til þess að greiða fyrir þingstörfum féllst ég á þetta. En ég er þeirrar skoðunar að fjárlagaumræðan eigi að vera samfelld og það eigi að reyna að taka frá daga fyrir hana í 2. og 3. umr. vegna þess að hún er hryggjarstykkið í löggjöf þingsins á þessum tíma. Ég vil láta það koma fram að þessi tilhögun var gerð í samráði við mig og varaformann á fundi með forseta þingsins eftir hádegið. Annars vil ég taka undir það meginmál að mér finnst æskilegast að þinghaldi sé hagað þannig að fjárlagaumræðan geti verið samfelld.
