Pétur H. Blöndal:
Herra forseti. Ég skrifaði með fyrirvara undir nál. hv. efh.- og viðskn. á þskj. 557, vegna 6. liðar en fellst á aðra liði. Í 6. lið er lagt til að sérsmíðaðar keppnisbifreiðir verði undanþegnar vörugjaldi en það er nú 65%. Hér er um að ræða margra millj. kr. tæki, jafnvel tugmilljóna.
Herra forseti. Samkvæmt lögum er lagt verulega hátt vörugjald 30 og 65% á farartæki sem notuð eru í atvinnurekstri. Það íþyngir sérstaklega landsbyggðinni sem er háð landflutningum. Ekki er talið fært að lækka þessar álögur á atvinnutækin af tillitssemi við stöðu ríkissjóðs. Ég er á móti því að á sama tíma verði fellt niður vörugjald á ofsadýr leiktæki.