Ferill 191. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 316 — 191. mál.
Svar
fjármálaráðherra við fyrirspurn Svavars Gestssonar um SR-mjöl.
1. Hver voru bein fjárframlög ríkisins til SR-mjöls á hverju ári fyrir sig síðustu tíu ár á föstu verðlagi ársins 1998?
Bein framlög ríkisins til SR-mjöls síðustu tíu ár í formi yfirtekinna skuldbindinga og samkvæmt dómsniðurstöðum hafa verið eftirfarandi á verðlagi þessa árs:
Ár |
Tegund greiðslu |
Kostnaður ársins |
Framreiknaður kostnaður |
1993 | Yfirtekin lán Niðurfelld lán |
368.067.823 21.562.063 |
400.970.191 23.489.542 |
1994 | Yfirteknar lífeyrissjóðsskuldbindingar | 175.597.668 | 188.486.516 |
1996 | Biðlaun samkvæmt dómi Hæstaréttar: Laun Vextir Lögfræðikostnaður |
11.866.302 6.272.751 373.500 |
12.248.221 6.474.641 385.521 |
Samtals | 632.054.632 |
Ekki var um kostnað að ræða önnur ár en hér koma fram á tímabilinu 1988–98.
2. Voru þessi fjárframlög endurgreidd og ef svo er, hvernig?
Kostnaður ríkisins vegna SR-mjöls hefur ekki verið endurgreiddur af félaginu enda tengist hann að langmestu leyti breytingu á fyrirtækinu í hlutafélag og sölu þess til einkaaðila.
3. Hvert var söluverð hlutabréfa þegar ríkið seldi fyrirtækið?
Þegar hlutabréf ríkissjóðs í SR-mjöli voru seld árið 1993 voru greiddar fyrir þau 725 millj. kr. eða sem svarar 793,3 millj. kr. á núgildandi verðlagi.
4. Hvert er núvirði hlutabréfa SR-mjöls hf.?
SR-mjöl hf. er skráð á Verðbréfaþingi Íslands. Nafnvirði hlutabréfa fyrirtækisins er nú 947 millj. kr. og gengi er 4,0. Markaðsvirði félagsins er því 3.788 millj. kr. Nafnvirði hlutabréfa í fyrirtækinu hefur verið eftirfarandi eftir árum samkvæmt ársreikningi:
1998 | 1997 | 1996 | 1995 | 1994 | |
Nafnvirði hlutabréfa | 947 | 947 | 894 | 813 | 650 |
5. Greiddu kaupendur bréfanna skatt af mismun kaupverðs og söluverðs bréfanna?
Samkvæmt lögum nr. 75/1981, með síðari breytingum, er fyrirtækjum skylt að greiða tekjuskatt af söluhagnaði við sölu hlutabréfa. Það sama átti við um einstaklinga en skv. 7. gr. laga nr. 97/1996 sem komu til framkvæmda 1. janúar 1997 þurfa einstaklingar nú að greiða 10% fjármagnstekjuskatt af söluhagnaði við sölu á hlutabréfum.